يسعد صباح مساء الجميع
اليوم موضوعنا عن اكثر المشاكل المزعجه المنتشره بين الناس وخاصه النساء
واللي تزود عند النساء المنجبات اكثر من غيرها
عندنا اليوم خلطات طبيعيه للتخفيف من اثارها واشياء كلها موجوده اغلبها بكل المنازل
اول شي خلونا نبدا مع ....
بياض البيضه
البيض غني بالبروتينات بالتالي هالشي يساعد في التخلص من العلامات والطريقه انك تحطين بياض بيضتين ع المنطقه المصابه
وتخلينها لين يجق ثم تغسلينه بالمويه البارده وتسوين مساج بزيت الزيتون وفي خلال اسبوعين راح تلاحظين الفرق !
2\ زيت الخروع
دلكي المنطقه بالزيت باطراف اصابعك لمدة 15 دقيقه وغطي المنطقه بقطعة قماش قطن وحطي فوق القطعه كمادات حاره لمدة 30 دقيقه استمري شهر بهالطريقه وشوفي النتيجه
3\ زبدة الكاكو
اعتقد هالزبده هي الي ذاع صيتها اكثر ك علاج لعلامات التمدد وفادت مع اغلب الناس
استخدميه ع بشرتك مرتين في اليوم وراح تقل العلامات تدريجيا مع الاستمرار
وفي خلطه ثانيه
خذي ملعقة شاي ك مقياس لك وحطي ملعقة من زيت فيتامين E وملعقة من زيت المشمش وملعقتين من شمع العسل
وملعقه كبيره من زيت القمح ونص كوب زبدة الكاكو
تسخنين هالخليط لين مايذوب الشمع وخزنيه في علبه واحفظيه بالثلاجه واستخدميه من مرتين الى 3 مرات باليوم
4\ زيت الزيتون
سخني الزيت لين يدفى بس وادهني المنطقه كل يوم قبل النوم ولاحظي النتايج بنفسك
5\ الليمون
اقطعي الليمونه نصين وافركي بها ع الجلد بحركه دائريه لمدة 10 دقايق وبعدها شطفي بمويه دافيه
6\ الصبار
افركي به ع الجلد مباشره وشطفيه بمويه فاتره
7\ السكر
خذي ملعقه كبيره سكر وضيفي عليه قطرات ليمون وشوي من زيت اللوز
افركي به كل يوم ع المنطقه لمدة 10 دقايق يعتبر علاج مقشر ومفتح للبشره
8\ البطاطس
خذي حبه متوسطة الحجم واقطعيها نصين وافركي بها المنطقه المصابه
9\ المشمش
خذي حبتين مشمش وطلعي البذور منها ثم اخلطيها بالخلاط واستخدميها ك ماسك ع المنطقه المصابه وبعد عشرين دقيقه شطفي بمويه دافيه ولمدة شهررر
10\ الفكس
حطيه شويه من الفكس ع قطعة قماش نظيفه وافركي به المنطقه وراح تلاحظين الفرق
احد فيكم جرب منها شي وفادته ؟ وايش ناوين تجربوو من هالخلطات
شاركونا اراءكم
ليست هناك تعليقات:
إرسال تعليق