السلام عليكم
يسعد صباحكم / مساءكم وياهلا فيكم بأول بويت فعلي لهالمدونه :)
اليوم راح نبدا باول درس ( انا أسميه درس ) وهو انواع الازياء
دايما نسمع كاجول شيك كلاسيك لكن كيف تكون وايش شروطها ومتى نلبسها
طبعا نوع اللبس يحدده شخصية اللي بيلبسه
ونبدأ نتعمق في هذي الانواع ومع اول نوع :
1\ الستايل البوهيمي :
الفتره الاخيره انشهر هالستايل بين الفاشن بلوقرز وبالماركات المعروفه بعد مثل بيرشكا واتش اند ام وغيرهم
ويركز اكثر شي على طبعات وخامات غريبه , ومستوحى بعض الشي من الغجر مثل بلايز الفلاحين والسلاسل المتعدده وربطة الراس .
نشوف الستايل البوهيمي مع بعض :
2\ الستايل الارتي :
او بالعربي المتطفل على الفن وهو الشخص اللي يخلق الافكار ويضيف لنفسه ستايل خاص فيه ويتنجب الستايل التقليدي
وفي الغالب يفضلون صنع ملابسهم واكسسواراتهم بأنفسهم .
طبعا هالستايل يعتبر بحححر وصعب نتعمق فيه لان كثير اشخاص صنعو طلاتهم بأنفسهم من دون اللجوء الى الموضه ومستجداتها
رلح احط 3 صور بس تشمل فكرة هالستايل :
3\ الستايل الانيق " شيك ":
وهو الاكثر رواجا في عالم الازياء وهو تعبير عن "العصريه" و " المألوف" .
الناس اللي يفضلون هالنوع يميلون للازياء الكلاسيكيه ايضا واللي تكون ملفته وذكيه .
4\ الستايل الكلاسيكي :
البعض يعتقد ان هالستايل يعبر عن الراحه يعني ممكن اي شي بسيط وخلاص لكن الواقع هو يعبر عن نوعية الانماط التاليه :(قمصان بيضاء بأزارير , فلات الباليه ابو ربطات ,البنطلون الواسع , الاحذيه الجلديه )
يتميز هالستايل بأن ملابسه من أنسجه راقيه وخياطه لاتشوبها شائبه
يقول خبراء الموضه : " اذا كنت من عشاق هذا النوع فأنت شخص مستقر"
5\ الستايل الغريب او الشاذ :
هالاسم يطلق على الستايل الغير مألوف او معروف , وهالاسم جاء من المسافر اللي يجي من بلاد بعيده ب ألبسه غير معروفه وتكون غامضه ملفته للانتباه .
يتميز هذا الستايل بالالوان القويه الدخانيه وخطوط التدفق الطويله والتطريز والزخارف الغريبه مع المجوهرات اللامعه .
6\الستايل المبهرج :
وغالبا مايكون هذا الستايل مخصص للاستعراض في الحفلات وغيره ك لبس المهرجين في السيرك او مثل بعض مغنيات اليوم اللي يلبسون الملابس الغريبه والمبهرجه وغالبا تكون بلمعه قويه
فقط لجذب الانتباه
7\الستايل البراق المبهر او بإسمه الحقيقي "Glamorous style" :
يتميز هذا الستايل بالجاذبيه وانجذاب الناس له مثل مانشوف بأزياء الفنانات في حفل توزيع الجوايز .
8\ الستايل الرومانسي :
يتميز بألبسه بسيطه ذات رسومات الازهار والقلوب والكشكشه والاقمشه الناعمه .
9\الستايل البريبي :
استوحي هذا الستايل من طلاب المدارس والجامعات واللي يتميز بربطات الراس والجوارب والتنورات المكسره.
10\ ستايل الفاسق او المفلس :
صح الاسم غريب لكن جاء هذا النوع بعد الحرب العالميه الثانيه سنة 1970
وفي خلال هالسنين مر بالكثير من التغييرات والتقلبات وكان الهدف من هذا النوع هو مكافحة التباهي بالالبسه الزاهيه والملونه وكان اغلب اللي يلبسونه الفقراء والمشردين
وافراد العصابات .
يتميز بطبعات جلد النمر , بنطلون الجينز المشقق , واساور اليد السوداء .
جميييله التدوينه الله يسعدك😍
ردحذفكرما لا امرا نبي تدوينه لتنسيقات العمل او الدوامات😅💗
يَ أهلين والله
حذفنورتيني ..
ان شاءالله قاعده اشتغل على موضوع موضة الوان هالسنه
بعدها راح انزل تدوينه خاصه للتنسيقات
.
حذفعجبني الستايل الانيق الشيك يعني هو نفس طريقة لبسي
ردحذف